هاسافر يا مولانا
- سامح
- May 8, 2023
- 1 min read
موش عارف اعيش هنا… بيطاردني من ساعة ما كتبت الورقة اياها و رميتها… موش عارف اعيش هنا خلاص…
كل دي صُدف يابني، انت بس عقلك بيهيأ لك حاجات لانك متوقع انها تحصل زي ما بيقولوا في علم النفس…
موش ممكن تكون كل دي صُدَف يا مولانا … قاعد في الميكروباص و ارفع عيني بالصدفه الاقي لا مؤاخذه الصليب على الكنيسة اللي عالدائري و صوته يتكلم جوايا كأنه قاعد جنبي…
انت مصاحب نصارى يابني؟
ماعرفش غير الواد ابن ام فادي جارتنا و بيخاف يكلمني من ساعة ما سألته "انت بتصلي فين يا كفتس انت؟" … النصارى جُبنا ومِنكسرين يا مولانا و يخافوا يتكلموا معانا في الدين لنهِتُّهم … هم بتوع فيس بس ، لكن في الحقيقة خوافين و ماتاخدش منهم كلمتين على بعض عن دينهم …
يعني خلاص مافيش حل تاني ، ناويت على السفر؟
مافيش حل تاني… على الاقل السعودية مافيهاش لامؤاخذه كنيسه كل متر و النت هناك مابيجيبش الحاجات اللي بتجيلي و انا هنا… اغيَّر جو و ناس و ربنا يفتح لي باب رزق بالحلال و ابعت فلوس لأمي …
ماشي يابني. ماتنساش زيارة بيت الله الحرام و قبر الرسول صلى الله عليه و سلم … استنجد بيه يابني و اكثر من الصلاة عليه … برضه استمر في المواظبة على الصلاة و تلاوة القرآن زي ما انت بتعمل هنا و اكتر…ماتخليش الشغل يلهيك عن الصلاة يابني عشان ربنا يبارك لك في رزقك…
Photo found on Wix
Comments