المحقق

نشرت هذه الأفكار على حسابي في ال Facebook يوم 16 اغسطس 2022 على خلفية حادث حريق كنيسة الشهيد ابي سيفين إمبابة و قد صدر بعدها بأيام قليلة تقرير النيابة العامة الذي نفى وجود أي شبهة جنائية أو تعمد و انتهى الى حفظ التحقيقات.

باشا… واحد شاي من غير سكر لو سمحت… ازيك ؟… من زمان ماتقابلناش … وحشتني القعده معاك… فاكر الخُن؟ القهوه المستخبية دي اللي كنا بنقعد عليها في الكوربه بعد ما نرجع من الموقع… عارفك بتحب القصص البوليسية انت من ايام روايات مصرية للجيب…

تصدق؟ لما كبرت شفت قصص اعجب من اللي قريتها و ما كنتش اتخيل انها تحصل في الواقع بالشكل ده… انت كده برضه؟

واحد صاحبي وكيل نيابة كان بيحقق في حريق الشركة اياها اللي حصل من كام يوم… سمعت عنه؟

قاللي بالحرف: " انا رحت لقيت كل جيران الشركة بيقولوا لي تحليل اسباب الحريق بيقين لم يجرؤ عليه اصحابي مهندسي الكهربا و معظمهم تقريباً ماعدا اتنين تلاته حكوا لي اللي حصل من ساعة ما الحريق ابتدى لغاية لما الدفاع المدني وصل و اخلوا الضحايا بنفس السيناريو لدرجه مريبة… ده انا لو جيبت مجموعة طلبة و شرحت لهم درس لمدة ساعه و بعدين سألتهم موش هايقولوا الاجابات بنفس درجة التطابق دي… ما بالك حريق و لخبطة و هرولة… التوقيت كمان مريب… توقيت الجرد زي ما انت عارف… انما الكل بيقول دي مشكلة كهرباء … الغريب بقى اني مالقيتش الغفير ولا فني الصيانة في المكان … "

تشرب شاي؟

Photo credit : https://m.youm7.com/story/2021/12/21/الحماية-المدنية-تسيطر-على-حريق-بمصنع-بلاستيك-فى-6-أكتوبر/5588759